दिनेश कुमार शर्मा
सिरहा, १९ कात्तिक – नेपाल बडही समाज एकाइ कमिटी र बडही युवा क्लब द्धारा भव्य रुपमा सुभकामना र सम्मान कार्यक्रमको आयोजना गरेको छ। उक्त कार्यक्रम सिरहाको गा.पा बरियारपट्टी वडा नम्बर ४ सोहपुर (बडही टोल) मा सम्पन्न भएको हो। कार्यक्रमलाई भब्य रूपमा सम्पन्न भएको छ।
कार्यक्रमको संचालक महिन्द्र ठाकुरले र किसुन देब ठाकुर गरेका थिए। कार्यक्रमको प्रमुख अतिथि ओम प्रकाश बिश्वकर्मा थिए। कार्यक्रममा उपस्थित अतिथिहरूमा वरिष्ठ उपाध्यक्ष खुसी राम ठाकुर , सभा सभापति लक्ष्मी नारायण शर्मा र समाजसेवी तथा शिक्षक गंगाराम ठाकुर,बिना शर्मा, पुर्व अध्यक्ष हरेराम ठाकुर,पुर्व अध्यक्ष धनिक लाल ठाकुर,पुर्व उपाध्यक्ष राजदेव ठाकुर ,जिल्ला कमिटी अध्यक्ष भगवान बाबू ठाकुर स्थानीय बडही समुदायका अन्य नेताहरू र सदस्यहरू पनि रहेका थिए।
कार्यक्रमको उद्घाटन गर्दै बडही समाजका केन्द्रिय अध्यक्ष ओमप्रकाशले बडही समाजको उत्थानका लागि यस प्रकारका कार्यक्रमहरूको महत्त्वलाई जोड दिएका छन्। “हामीले हाम्रो समुदायका सदस्यहरूलाई सम्मान गर्दै, एकता र सहकार्यको भावना थप प्रबल बनाउनु आवश्यक छ,” उहाँले भने।
कार्यक्रममा विशेष गरी सयौं जनालाई सम्मानित गरिएको थियो, जसमा विभिन्न सामाजिक, शैक्षिक, समाजसेवी र व्यवसायिक क्षेत्रका सफल व्यक्तिहरूलाई पहिचान गरी सम्मान गरिएको छ। उपस्थित दर्शकहरूले सम्मानित व्यक्तिहरूको कार्य र योगदानको प्रशंसा गरेका थिए।
सभा सभापति लक्ष्मी नारायण शर्मा आफ्नो मन्तव्यमा विभेद मुक्त संगठनको आवश्यकता र सबै सदस्यहरूले सहकार्य गर्दै आन्तरिक द्वन्द्वलाई उन्मुलन गर्नुपर्छ भन्ने कुरामा जोड दिएका छन्। “सहयोग र एकताको माध्यमबाट हामी सबैले समस्यामा रहेका बडही
समुदायलाई सहयोग गर्नुपर्छ,” उहाँले भने।
कार्यक्रममा उपस्थित विभिन्न प्रतिनिधिहरूले समाजमा आपसी सहयोग र समर्पणको भावना विकसित गर्नका लागि निरन्तर प्रयास गर्नुपर्ने कुरामा सहमति जनाए। जिल्ला सचिव रामदेब ठाकुरले बडही समुदायको उत्थानका लागि आयोजक समितिले गरेका विभिन्न कार्यहरूको चर्चा गर्दै, भविष्यमा पनि यस्ता कार्यक्रमहरू आयोजना गर्न आवश्यक रहेको जानकारी दिए।
कार्यक्रमको समापनमा, उपस्थित व्यक्तिहरूले एकआपसमा हात मिलाएर सहकार्यको प्रतीकको रूपमा एकता प्रदर्शन गरे। आयोजक समितिले भविष्यमा पनि समुदायको उत्थानका लागि निरन्तर कार्य गर्ने प्रतिवद्धता व्यक्त गरेको छ।
यस कार्यक्रममा सहभागी सबै व्यक्तिहरूले बडही समुदायको समृद्धि र विकासका लागि थप प्रयास गर्नुपर्ने कुरामा एकमत भएका छन्। यसले सिरहामा बडही समुदायको सशक्तिकरण र एकता सुदृढ गर्न महत्त्वपूर्ण योगदान पुर्याउने अपेक्षा गरिएको छ।
सिरहाको गा.पा बरियारपट्टी वडा नम्बर ४ वडा अध्यक्ष नवीन यादव लगायत बडही युवा क्लब अध्यक्ष नवीन प्रसाद ठाकुर उपाध्यक्ष धर्मेन्द्र ठाकुर उपस्थिति रहेकोे छ । बडही युवा क्लब द्धारा दसौं तिहार र छ्ठको शुभकामना आदानप्रदान कार्यक्रम सम्पन्न भएको हो ।
